ಅಭಿಪ್ರಾಯ / ಸಲಹೆಗಳು

ಪೊಲೀಸ್‌ ತರಬೇತಿ ಶಿಕ್ಷಣ ಮತ್ತು ಘಟಕಗಳು

ಪೊಲೀಸ್ ತರಬೇತಿಯ ಉದ್ದೇಶಗಳು

ಪೊಲೀಸ್ ಕಾನ್‌ಸ್ಟೇಬಲ್ ಮಟ್ಟದಿಂದ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿಗಳವರೆಗೆ ಹೊಸದಾಗಿ ಪ್ರವೇಶಿಸುವವರಿಗೆ ಮೂಲಭೂತ ತರಬೇತಿ ನೀಡುವುದು. ವೃತ್ತಿಪರ ಕೌಶಲ್ಯ ಮತ್ತು ಉನ್ನತ ಗುಣಮಟ್ಟದ ನೈತಿಕತೆಯನ್ನು ಹೊಂದಲು ತರಬೇತಿಯ ಕಾರ್ಯತಂತ್ರವನ್ನು ವಿನ್ಯಾಸಗೊಳಿಸಲಾಗಿದೆ. ತರಬೇತಿಯು ಪೊಲೀಸ್ ಸಮುದಾಯಕ್ಕೆ ಸೇವೆಯ ಮನೋಭಾವವನ್ನು ಬೆಳೆಸಲು ಪ್ರಯತ್ನಿಸುತ್ತದೆ. ತರಬೇತಿಯ ವಿಧಾನವು ಸಾಂಪ್ರದಾಯಿಕ ಚರ್ಚೆಯ ವಿಧಾನಗಳ ಜೊತೆಗೆ ಗುಂಪು ಚರ್ಚೆ, ರೋಲ್ ಪ್ಲೇ, ಪ್ರಸ್ತುತಿ, ರಸಪ್ರಶ್ನೆ ಮತ್ತು ವಿವಿಧ ರೀತಿಯ ಸ್ಪರ್ಧೆಗಳು ಮತ್ತು ಸಂವಾದಾತ್ಮಕ ಪ್ರಕ್ರಿಯೆಗಳನ್ನು ಒಳಗೊಂಡಿದೆ. ಪಠ್ಯಕ್ರಮವು ಔಪಚಾರಿಕ ಮತ್ತು ಅನೌಪಚಾರಿಕ ವಾತಾವರಣದಲ್ಲಿ ಅನುಭವಗಳನ್ನು ಹಂಚಿಕೊಳ್ಳಲು ಮತ್ತು ಸೌಹಾರ್ದವನ್ನು ಬೆಳೆಸಲು ಸಾಕಷ್ಟು ಅವಕಾಶವನ್ನು ನೀಡುತ್ತಿದೆ. ಪ್ರಶಿಕ್ಷಣಾರ್ಥಿಗಳಿಗೆ ಒತ್ತಡ ನಿರ್ವಹಣೆಗಾಗಿ ವ್ಯಾಯಾಮ, ಯೋಗ ಮತ್ತು ಧ್ಯಾನದಲ್ಲಿ ತರಬೇತಿ ನೀಡಲಾಗುತ್ತಿದೆ. ಸಾರ್ವಜನಿಕರಿಗೆ ಉತ್ತಮ ಸೇವೆಯನ್ನು ನೀಡಲು ಸರಿಯಾದ ವರ್ತನೆ ಮತ್ತು ನಡವಳಿಕೆಯ ಬಗ್ಗೆ ಪ್ರಶಿಕ್ಷಣಾರ್ಥಿಗಳಿಗೆ ಸಂವೇದನಾಶೀಲತೆ ಉತ್ತಮಪಡಿಸಿಕೊಳ್ಳುವಲ್ಲಿ ಸಾಕಷ್ಟು ಒತ್ತು ನೀಡಲಾಗುತ್ತಿದೆ.

   ಪೊಲೀಸ್ ತರಬೇತಿ ಕೇಂದ್ರಗಳು

  1. ಕೆ,ಪಿ.ಎ ಮೈಸೂರು-                                      Link
  2. ಪಿಟಿಸಿ, ಕಲಬುರಗಿ-                                       Link
  3. ಕೆಎಸ್ ಪಿಟಿಎಸ್, ಚನ್ನಪಟ್ಟಣ
  4. ಪಿಟಿಎಸ್, ಖಾನಾಪುರ
  5. ಎ.ಪಿ.ಟಿ.ಎಸ್ ಯಲಹಂಕ
  6. ಪಿಡಿಎಮ್ಎಸ್ ಯಲಹಂಕ
  7. ಪಿಟಿಎಸ್ ಧಾರವಾಢ
  8. ಪಿಟಿಎಸ್ ಮೈಸೂರು
  9. ಪಿಟಿಎಸ್ ಹಾಸನ
  10. ಪಿಟಿಎಸ್ ಐಮಂಗಲ, ಚಿತ್ರದುರ್ಗ
  11. ಪಿಟಿಎಸ್ ಕಡೂರು, ಚಿಕ್ಕಮಗಳೂರು
  12. ಪಿಟಿಎಸ್ ಥಣಿಸಂದ್ರ, ಬೆಂಗಳೂರು

1.ಕರ್ನಾಟಕ ಪೊಲೀಸ್ ಅಕಾಡೆಮಿ ಮೈಸೂರು 

ಕರ್ನಾಟಕ ಪೊಲೀಸ್ ಅಕಾಡೆಮಿಗೆ ಇನ್ಸ್‌ಪೆಕ್ಟರ್‌ ಜನರಲ್ ಆಫ್ ಪೋಲೀಸ್ ಹುದ್ದೆಯ ಅಧಿಕಾರಿಗಳು ನಿರ್ದೇಶಕರಾಗಿರುತ್ತಾರೆ. ಇವರು ಅಡಿಯಲ್ಲಿ ಸೂಪರಿಂಟೆಂಡ್ ಆಫ್ ಪೋಲಿಸ್ ಹುದ್ದೆಯ ಅಧಿಕಾರಿಗಳು ಉಪನಿರ್ದೇಶಕರಾಗಿ ಕರ್ತವ್ಯ ನಿರ್ವಹಿಸುತ್ತಾರೆ. ಪೊಲೀಸ್ ಅಕಾಡೆಮಿಯ ಉದ್ದೇಶವೆಂದರೆ ಇಲಾಖೆಗೆ ಹೊಸದಾಗಿ ನೇಮಕಗೊಳ್ಳುವ ಇನ್ಸ್‌ಪೆಕ್ಟರ್‌ ಹುದ್ದೆಯಿಂದ ಡೆಪ್ಯೂಟಿ ಸೂಪರಿಂಟೆಂಡ್ ಆಫ್ ಪೋಲಿಸ್ ಹುದ್ದೆಯ ಅಧಿಕಾರಿಗಳಿಗೆ ಮೂಲ ತರಬೇತಿಯನ್ನು ನೀಡುವುದಾಗಿರುತ್ತದೆ.ಪ್ರೊಬೇಷನರಿ ಐ.ಪಿ.ಎಸ್ ಅಧಿಕಾರಿಗಳಿಗೆ ಮೂರುವಾರಗಳ ಪೋಸ್ಟ್-ಇನ್ಸ್ಟಿಟ್ಯೂಷನಲ್ ತರಬೇತಿಯನ್ನು ನೀಡಲಾಗುತ್ತದೆ. ಸೇವಾನಿರತ ಅಧಿಕಾರಿಗಳಿಗೆ ರಿಫ್ರಷರ್ ಹಾಗೂ ಕ್ಯಾಪ್ಸೂಲ್ ಕೋರ್ಸ‌್ ಗಳನ್ನು ನಡೆಸಲಾಗುತ್ತದೆ. ಅಬಕಾರಿ,ಮೋಟಾರು ವಾಹನ, ಅಗ್ನಿಶಾಮಕ, ಕಾರಾಗೃಹ ಇಲಾಖೆಯ ಅಧಿಕಾರಿಗಳಿಗೂ ತರಬೇತಿ ನೀಡಲಾಗುತ್ತದೆ. ಇದಲ್ಲದೆ ಇತರೆ ರಾಜ್ಯಗಳ/ದೇಶಗಳ ಪೊಲೀಸ್ ಅಧಿಕಾರಿಗಳಿಗೂ ಸಹಾ ಇಲ್ಲಿ ತರಬೇತಿಯನ್ನು ನೀಡಲಾಗುತ್ತದೆ.  

ಕರ್ನಾಟಕ ಪೊಲೀಸ್ ಅಕಾಡೆಮಿಯಲ್ಲಿನೀಡುವ ತರಬೇತಿಗಳು

  1. ಐಪಿಎಸ್ ಪ್ರೊಬೇಷನರ್ ಗಳಿಗೆ ಪೋಸ್ಟ್-ಇನ್ಸ್ಟಿಟ್ಯೂಷನಲ್ ತರಬೇತಿ.
  2. ಗೆಜೆಟೆಡ್ ಪ್ರೊಬೇಷನರ್‌ಗಳಿಗೆ ಮೂಲ ತರಬೇತಿ
  3. ಪ್ರೊಬೇಷನರಿ ಪಿಎಸ್ಐಗಳಿಗೆ ಮೂಲ ತರಬೇತಿ.
  4. ಪುನರ್ ಮನನ ತರಬೇತಿ
  5. ಪುನ:ಶ್ಚೇತನ ಪಠ್ಯಕ್ರಮ
  6. ವಿಷಯಾಧಾರಿತ ಪಠ್ಯಕ್ರಮ
  7. ಹೊರರಾಜ್ಯಗಳ ಮತ್ತು ವಿದೇಶಿ ಪೊಲೀಸ್ ಅಧಿಕಾರಿಗಳಿಗೆ ಮೂಲ ತರಬೇತಿ (ಮಾಲ್ಡೀವ್ಸ್, ರಾಯಲ್ ಭೂತಾನ್, ಪುದುಚೇರಿ)
  8. ಇತರೆ ಇಲಾಖೆಗಳ ಅಧಿಕಾರಿಗಳಿಗೆ ತರಬೇತಿ(ಸಾರಿಗೆ, ರಾಜ್ಯ ಅಬಕಾರಿ ಮತ್ತು ಕೇಂದ್ರ ಅಬಕಾರಿ)

2.ಪೊಲೀಸ್ ತರಬೇತಿ ಕಾಲೇಜು, ಕಲಬುರಗಿ:

ಗುಲ್ಬರ್ಗದ ಪೊಲೀಸ್ ತರಬೇತಿ ಕಾಲೇಜನ್ನು 2003 ರಲ್ಲಿ ಉದ್ಘಾಟಿಸಲಾಯಿತು. ಈ ಸಂಸ್ಥೆಯು ಪಿಎಸ್‌ಐ ಮತ್ತು ಅದಕ್ಕಿಂತ ಕೆಳಗಿನ ಶ್ರೇಣಿಯ ಪೊಲೀಸ್ ಅಧಿಕಾರಿಗಳಿಗೆ ತರಬೇತಿ ನೀಡುವ ಗುರಿ ಹೊಂದಿದೆ. ಈ ತರಬೇತಿ ಸಂಸ್ಥೆಯು ಸಾಕಷ್ಟು ಮೂಲಸೌಕರ್ಯ ಹಾಗು ಸೌಲಭ್ಯಗಳನ್ನು ಹೊಂದಿದೆ. ಪಿಟಿಸಿಯ ಉದ್ದೇಶಗಳು  ಹೊಸದಾಗಿ  ಪೊಲೀಸ್  ಇಲಾಖೆಗೆ ಪ್ರವೇಶಿಸುವ ಪೊಲೀಸ್ ಸಬ್ ಇನ್ಸ್‌ಪೆಕ್ಟರ್ ಮತ್ತು ಸಿವಿಲ್, ಸಶಸ್ತ್ರ ಮೀಸಲು ಮತ್ತು ಇತರ ವಿಶೇಷ ಘಟಕಗಳ ಪೊಲೀಸ್ ಕಾನ್‌ಸ್ಟೇಬಲ್‌ಗಳಿಗೆ ಮೂಲಭೂತ ತರಬೇತಿಯನ್ನು ನೀಡುವುದು. ಸೇವೆಯಲ್ಲಿರುವ ಪೊಲೀಸ್ ಅಧಿಕಾರಿಗಳಿಗೆ ವೃತ್ತಿಪರತೆ ಮತ್ತು ಕೌಶಲ್ಯಗಳನ್ನು ನವೀಕರಿಸಲು ರಿಫ್ರೆಶರ್ ಮತ್ತು ಕ್ಯಾಪ್ಸುಲ್ ಕೋರ್ಸ್ ನಡೆಸಲಾಗುವುದು. 

ಕಲಬುರಗಿ ಪಿ.ಟಿ.ಸಿ ಯಲ್ಲಿ ನೀಡುವ ತರಬೆತಿಯ ವಿವರಗಳು

1 ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ ಮೂಲ ತರಬೇತಿ(9 ತಿಂಗಳು) ಮತ್ತು ಪಿಎಸ್ಐ ಗಳಿಗೆ (12 ತಿಂಗಳು) ಮತ್ತು ಸೇವಾನಿರತ ಅಧಿಕಾರಿ/ಸಿಬ್ಬಂದಿಗಳಿಗೆ ಪುನ:ಶ್ಚೇತನ ತರಬೇತಿ

2 ಸೇವೆಯಲ್ಲಿದ್ದ ಅಧಿಕಾರಿ/ಸಿಬ್ಬಂದಿಗಳಿಗೆ ಪುನರ್ ಮನನ ತರಬೇತಿ

3 ಒತ್ತಡ ನಿರ್ವಹಣಾ ತರಬೇತಿ.

4 ಲಿಂಗ ತಾರತಮ್ಯ ಪರಿಜ್ಞಾನ ಮತ್ತು ಜನಸ್ನೇಹಿ ಪೊಲೀಸ್ ಕಾರ್ಯಾಗಾರ

3.ಕರ್ನಾಟಕ ರಾಜ್ಯ ಪೊಲೀಸ್ ತರಬೇತಿ ಶಾಲೆ, ಚನ್ನಪಟ್ಟಣ:

ನಾಗರಿಕ ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ ತರಬೇತಿ ನೀಡಲು 1965 ರಲ್ಲಿ ಚನ್ನಪಟ್ಟಣದಲ್ಲಿ ಕರ್ನಾಟಕ ರಾಜ್ಯ ಪೊಲೀಸ್ ತರಬೇತಿ ಶಾಲೆಯನ್ನು ಸ್ಥಾಪಿಸಲಾಯಿತು.ಈ ತರಬೇತಿ  ಶಾಲೆಯು ಪೊಲೀಸ್ ಅಧೀಕ್ಷಕರ ಹುದ್ದೆಯ ಅಧಿಕಾರಿಗಳ ಆಡಳಿತ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುತ್ತದೆ. ಶೈಕ್ಷಣಿಕ ನಿಯಂತ್ರಣವು ತರಬೇತಿ ವಿಭಾಗದ ಅಡಿಯಲ್ಲಿ ಇರುತ್ತದೆ. 

ತರಬೇತಿ ಸಂಸ್ಥೆಗಳಲ್ಲಿ ನೀಡುವ ತರಬೇತಿಗಳು

  1. ಹೊಸದಾಗಿ ನೇಮಕಗೊಂಡ ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ 9 ತಿಂಗಳ ಮೂಲ ತರಬೇತಿ
  2. ಸೇವಾನಿರತ ಅಧಿಕಾರಿ/ಸಿಬ್ಬಂದಿಗಳಿಗೆ ಪುನರ್ ಮನನ ತರಬೇತಿ
  3. ಒತ್ತಡ ನಿರ್ವಹಣಾ ತರಬೇತಿ
  4. ಲಿಂಗ ತಾರತಮ್ಯ ಪರಿಜ್ಞಾನ ಮತ್ತು ಜನಸ್ನೇಹಿ ಪೊಲೀಸ್ ಕಾರ್ಯಾಗಾರ

4.ಪೊಲೀಸ್ ತರಬೇತಿ ಶಾಲೆ, ಖಾನಾಪುರ:

ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ ತರಬೇತಿ ನೀಡಲು ಈ ಪೊಲೀಸ್ ತರಬೇತಿ ಶಾಲೆಯನ್ನು ಸ್ಥಾಪಿಸಲಾಯಿತು.ಈ ತರಬೇತಿ  ಶಾಲೆಯು ಪೊಲೀಸ್ ಅಧೀಕ್ಷಕರ ಹುದ್ದೆಯ ಅಧಿಕಾರಿಗಳ ಆಡಳಿತ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುತ್ತದೆ. ಶೈಕ್ಷಣಿಕ ನಿಯಂತ್ರಣವು ತರಬೇತಿ ವಿಭಾಗದ ಅಡಿಯಲ್ಲಿ ಇರುತ್ತದೆ. 

ತರಬೇತಿ ಸಂಸ್ಥೆಗಳಲ್ಲಿ ನೀಡುವ ತರಬೇತಿಗಳು

  1. ಹೊಸದಾಗಿ ನೇಮಕಗೊಂಡ ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ 9 ತಿಂಗಳ ಮೂಲ ತರಬೇತಿ
  2. ಸೇವಾನಿರತ ಅಧಿಕಾರಿ/ಸಿಬ್ಬಂದಿಗಳಿಗೆ ಪುನರ್ ಮನನ ತರಬೇತಿ
  3. ಒತ್ತಡ ನಿರ್ವಹಣಾ ತರಬೇತಿ
  4. ಲಿಂಗ ತಾರತಮ್ಯ ಪರಿಜ್ಞಾನ ಮತ್ತು ಜನಸ್ನೇಹಿ ಪೊಲೀಸ್ ಕಾರ್ಯಾಗಾರ

5.ಸಶಸ್ತ್ರ ಪೊಲೀಸ್ ತರಬೇತಿ ಶಾಲೆ, ಯಲಹಂಕ, ಬೆಂಗಳೂರು:

ವಿವಿಧ ಜಿಲ್ಲೆಗಳ ಜಿಲ್ಲಾ ಸಶಸ್ತ್ರ ಮೀಸಲು  ಪೊಲೀಸ್ ಕಾನ್‌ಸ್ಟೇಬಲ್‌‌ಗಳು ಮತ್ತು ನಗರ ಸಶಸ್ತ್ರ ಮೀಸಲು ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ ಈ ತರಬೇತಿ ಶಾಲೆಯಲ್ಲಿ ಆರಂಭಿಕ ಮೂಲಭೂತ ತರಬೇತಿಯನ್ನು ನೀಡಲಾಗುತ್ತದೆ. ಇದು ಪೊಲೀಸ್ ವರಿಷ್ಠಾಧಿಕಾರಿ (ಐಪಿಎಸ್-ಅಲ್ಲದ) ದರ್ಜೆಯ ಪ್ರಾಂಶುಪಾಲರ ಉಸ್ತುವಾರಿಯಲ್ಲಿರುತ್ತದೆ.

6.ಪೊಲೀಸ್ ವಾಹನ ಚಾಲನೆ ಮತ್ತು ನಿರ್ವಹಣಾ ಶಾಲೆ:

ಪೊಲೀಸ್ ಇಲಾಖೆಯ ಚಾಲಕರಿಗೆ ಮೋಟಾರು ವಾಹನಗಳ ಚಾಲನೆ ಮತ್ತು ನಿರ್ವಹಣೆಯಲ್ಲಿ ಸಮರ್ಪಕ ತರಬೇತಿ ನೀಡಲು ಮತ್ತು ನಿರ್ವಹಣೆ ಹಾಗೂ ಮೇಲ್ವಿಚಾರಣೆಗೆ ಅಗತ್ಯವಿರುವ ಅಧಿಕಾರಿಗಳಿಗೆ ಫ್ಲೀಟ್ ನಿರ್ವಹಣೆಯ ತರಬೇತಿ ನೀಡಲು ಬೆಂಗಳೂರಿನಲ್ಲಿ ಪೊಲೀಸ್ ಚಾಲನಾ ಮತ್ತು ನಿರ್ವಹಣೆ ಶಾಲೆಯನ್ನ್ಉ ಪ್ರಾರಂಭಿಸಲಾಗಿರುತ್ತದೆ. ಪೊಲೀಸ್ ಅಧೀಕ್ಷಕರು (ಸಶಸ್ತ್ರ)ರವರು ಶಾಲೆಯ ಪ್ರಾಂಶುಪಾಲರಾಗಿ ಉಸ್ತುವಾರಿ ವಹಿಸಿರುತ್ತಾರೆ. ಅವರಿಗೆ ಕಿರಿಯ ಬೋಧಕರು, ಮೇಲ್ವಿಚಾರಣಾ ಸಿಬ್ಬಂದಿ ಮತ್ತು ಇತರ ಅಗತ್ಯ ಸಂಖ್ಯೆಯ ಅಧಿಕಾರಿಗಳನ್ನು ಒದಗಿಸಲಾಗಿದೆ. ತರಬೇತಿಗೆ ಅಗತ್ಯವಾದ ವಾಹನಗಳೂ ಸಹಾ ಸಾಕಷ್ಟು ಸಂಖ್ಯೆಯಲ್ಲಿ ಇರುತ್ತವೆ.ಪೊಲೀಸ್ ಸಿಬ್ಬಂದಿಗೆ ವಾಹನ ಚಾಲನಾ ತರಬೇತಿ ಕೊಡಲಾಗುತ್ತದೆ.

  7.ಪಿಟಿಎಸ್, ಧಾರವಾಡ

  8.ಪಿಟಿಎಸ್, ಮೈಸೂರು

  9.ಪಿಟಿಎಸ್, ಹಾಸನ

10.ಪಿಟಿಎಸ್, ಐಮಂಗಲ, ಚಿತ್ರದುರ್ಗ

11.ಪಿಟಿಎಸ್, ಕಡೂರು, ಚಿಕ್ಕಮಗಳೂರು

12.ಪಿಟಿಎಸ್, ಥಣಿಸಂದ್ರ, ಬೆಂಗಳೂರು

ಈ ತರಬೇತಿ  ಶಾಲೆಯು ಪೊಲೀಸ್ ಅಧೀಕ್ಷಕರ ಹುದ್ದೆಯ ಅಧಿಕಾರಿಗಳ ಆಡಳಿತ ನಿಯಂತ್ರಣದಲ್ಲಿ ಕಾರ್ಯನಿರ್ವಹಿಸುತ್ತದೆ. ಶೈಕ್ಷಣಿಕ ನಿಯಂತ್ರಣವು ತರಬೇತಿ ವಿಭಾಗದ ಅಡಿಯಲ್ಲಿ ಇರುತ್ತದೆ. 

ತರಬೇತಿ ಸಂಸ್ಥೆಗಳಲ್ಲಿ ನೀಡುವ ತರಬೇತಿಗಳು

  1. ಹೊಸದಾಗಿ ನೇಮಕಗೊಂಡ ಪೊಲೀಸ್ ಕಾನ್‌ಸ್ಟೇಬಲ್‌‌ಗಳಿಗೆ 9 ತಿಂಗಳ ಮೂಲ ತರಬೇತಿ
  2. ಸೇವಾನಿರತ ಅಧಿಕಾರಿ/ಸಿಬ್ಬಂದಿಗಳಿಗೆ ಪುನರ್ ಮನನ ತರಬೇತಿ
  3. ಒತ್ತಡ ನಿರ್ವಹಣಾ ತರಬೇತಿ
  4. ಲಿಂಗ ತಾರತಮ್ಯ ಪರಿಜ್ಞಾನ ಮತ್ತು ಜನಸ್ನೇಹಿ ಪೊಲೀಸ್ ಕಾರ್ಯಾಗಾರ

13.ವಿಶೇಷ ಶಾಖಾ ತರಬೇತಿ ಸಂಸ್ಥೆ.

20.06.1964 ರ ಸರ್ಕಾರಿ ಆದೇಶ ಸಂಖ್ಯೆ ಎಚ್‌ಡಿ 42 ಎಸ್‌ಎಸ್‌ಬಿ 64 ರಲ್ಲಿರುವ ಸರ್ಕಾರದ ಆದೇಶದಂತೆ 1965 ರ ಜನವರಿ 27 ರಂದು ಬೆಂಗಳೂರಿನಲ್ಲಿ ವಿಶೇಷ ಶಾಖಾ ತರಬೇತಿ ಸಂಸ್ಥೆಯನ್ನು ಪ್ರಾರಂಭಿಸಲಾಯಿತು. ಈ ಸಂಸ್ಥೆಯ ಮುಖ್ಯ ಉದ್ದೇಶವೆಂದರೆ ಪೊಲೀಸ್ ಅಧಿಕಾರಿಗಳಿಗೆ ಗುಪ್ತ ವರದಿ ಸಂಗ್ರಹಣೆಯ ಕಲೆಯಲ್ಲಿ ತರಬೇತಿ ನೀಡುವುದು ಮತ್ತು ಗುಪ್ತಚರ ಕಾರ್ಯಕ್ಕೆ ಸಂಬಂಧಿಸಿದ ಬಹುಮುಖಿ ಕರ್ತವ್ಯಗಳ ನಿರ್ವಹಣೆ. ಈ ಸಂಸ್ಥೆಯಲ್ಲಿ ಒಬ್ಬ ಡೆಪ್ಯುಟಿ ಸೂಪರಿಂಟೆಂಡ್ ಆಪ್ ಪೊಲೀಸ್ ಮತ್ತು ಇಬ್ಬರು ಪೊಲೀಸ್ ಇನ್ಸ್‌ಪೆಕ್ಟರ್‌ಗಳ ಹಾಗೂ ಸಿಬ್ಬಂದಿ ಇರುತ್ತಾರೆ. ಇವರ ಕೆಲಸವನ್ನು ಪೊಲೀಸ್ ಅಧೀಕ್ಷಕರು, ಆಡಳಿತ ಮತ್ತು ಗುಪ್ತಚರ ವಿಭಾಗದ ಪೊಲೀಸ್ ಇನ್ಸ್‌ಪೆಕ್ಟರ್ ಜನರಲ್ರವರು ಮೇಲ್ವಿಚಾರಣೆ ಮಾಡುತ್ತಾರೆ. 

14.ಸಂಚಾರ ತರಬೇತಿ & ಆರ್.ಎಸ್‌.ಐ

ಸಂಚಾರ ತರಬೇತಿ ಸಂಸ್ಥೆಯನ್ನು 1975 ರಲ್ಲಿ ಬೆಂಗಳೂರಿನಲ್ಲಿ ಒಬ್ಬ ಸಹಾಯಕ ಪೊಲೀಸ್ ಆಯುಕ್ತರು, 3 ಪೊಲೀಸ್ ಇನ್ಸ್‌ಪೆಕ್ಟರ್‌ಗಳು, 3 ಸಬ್ ಇನ್ಸ್‌ಪೆಕ್ಟರ್‌ಗಳು, 1 ಸಹಾಯಕ ಸಬ್ ಇನ್ಸ್‌ಪೆಕ್ಟರ್ (ಡ್ರಾಫ್ಟ್‌ಮ್ಯಾನ್) ಅವರೊಂದಿಗೆ ಅಗತ್ಯವಾದ ಸಹಾಯಕ ಅಧೀನ ಸಿಬ್ಬಂದಿಯೊಂದಿಗೆ ಸ್ಥಾಪಿಸಲಾಯಿತು. ಈ ಸಂಸ್ಥೆಯ ಉದ್ದೇಶವು ಟ್ರಾಫಿಕ್ ಎಂಜಿನಿಯರಿಂಗ್, ಸಂಚಾರ ನಿಯಂತ್ರಣ, ಸಂಚಾರ ಕಾನೂನಿನ ಜಾರಿ, ಟ್ರಾಫಿಕ್ ಅಪಘಾತ ಪ್ರಕರಣಗಳು ಮತ್ತು ಸಂಬಂಧಿತ ವಿಷಯಗಳ ಬಗ್ಗೆ ಇಲಾಖೆಯ ಅಧಿಕಾರಿಗಳಿಗೆ ತರಬೇತಿ ನೀಡುವುದಾಗಿರುತ್ತದೆ. ಆಟೋರಿಕ್ಷಾ ಚಾಲಕರಿಗೆ ರಸ್ತೆ ಶಿಸ್ತು, ಸಂಚಾರ ನಿಯಂತ್ರಣ, ರಸ್ತೆ ಸುರಕ್ಷತೆ ಮತ್ತು ಸಂಬಂಧಿತ ವಿಷಯಗಳಲ್ಲಿ ತರಬೇತಿ ನೀಡಲು 3 ಸಬ್ ಇನ್ಸ್‌ಪೆಕ್ಟರ್‌ಗಳ, 4 ಸಹಾಯಕ ಸಬ್-ಇನ್ಸ್‌ಪೆಕ್ಟರ್‌ಗಳು, 2 ಹೆಡ್ ಕಾನ್‌ಸ್ಟೇಬಲ್‌‌ಗಳು ಮತ್ತು 8 ಪೊಲೀಸ್ ಕಾನ್‌ಸ್ಟೇಬಲ್‌‌ಗಳನ್ನು ಹೆಚ್ಚುವರಿಯಾಗಿ ಮಂಜೂರು ಮಾಡಿಡಲಾಗಿರುತ್ತದೆ. ಸಂಚಾರ ತರಬೇತಿ ಸಂಸ್ಥೆಯು ಶಾಲಾ ಮಕ್ಕಳಿಗೆ ಸಂಚಾರ ನಿಯಂತ್ರಣದಲ್ಲಿ ತರಬೇತಿಯನ್ನು ಸಹ ನೀಡುತ್ತದೆ.

ಇತ್ತೀಚಿನ ನವೀಕರಣ​ : 22-04-2022 12:14 PM ಅನುಮೋದಕರು: Admin


ಹಕ್ಕುತ್ಯಾಗ

ಈ ಪುಟವು ಸರ್ಕಾರಿ ಸಚಿವಾಲಯ/ ಇಲಾಖೆ/ ಸಂಸ್ಥೆಗಳಿಗೂ ಲಿಂಕುಗಳನ್ನು ಕಲ್ಪಿಸುತ್ತದೆ ಎಂಬುದನ್ನು ದಯವಿಟ್ಟು ಗಮನಿಸಿ. ಈ ವೆಬ್ ಸೈಟುಗಳ ವಿಷಯಗಳು ಆಯಾ ಸಂಸ್ಥೆಗಳ ಸ್ವತ್ತೇ ಆಗಿದ್ದು, ಯಾವುದೇ ಹೆಚ್ಚಿನ ಮಾಹಿತಿ ಅಥವಾ ಸಲಹೆಗಾಗಿ ಅವರನ್ನೇ ಸಂಪರ್ಕಿಸುವುದು

ಜಾಲತಾಣ ನೀತಿಗಳು

  • ಹಕ್ಕುಸ್ವಾಮ್ಯ ನೀತಿ
  • ಬಾಹ್ಯಜಾಲತಾಣ ಸಂಪರ್ಕ ನೀತಿ
  • ಭದ್ರತಾ ನೀತಿ
  • ಕರಾರುಗಳು ಮತ್ತು ಷರತ್ತುಗಳು

ಸಂದರ್ಶಕರು

  • ಇತ್ತೀಚಿನ ನವೀಕರಣ​ :
  • ಸಂದರ್ಶಕರು :
  • ಆವೃತ್ತಿ :
ವಿಷಯದ ಮಾಲೀಕತ್ವ ಮತ್ತು ನಿರ್ವಹಣೆ : ಕರ್ನಾಟಕ ರಾಜ್ಯ ಪೊಲೀಸ್
ವಿನ್ಯಾಸ, ಅಭಿವೃದ್ಧಿ ಮತ್ತು ಪ್ರಕಟಣೆ : ಇ-ಆಡಳಿತ ಕೇಂದ್ರ , ಕರ್ನಾಟಕ ಸರ್ಕಾರ © 2024, ಎಲ್ಲಾ ಹಕ್ಕುಗಳೂ ಕಾಯ್ದಿರಿಸಿವೆ

ಜಾಲತಾಣದ ಉತ್ತಮ ನೋಟಕ್ಕಾಗಿ ಕ್ರೋಮ್‌ v-87.0.4280.141, ಮೈಕ್ರೋಸಾಫ್ಟ್‌ ಎಡ್ಜ್‌ v-87.0.664.75, ಫೈರ್‌ಫಾಕ್ಸ್‌ v-83.0 ಬ್ರೌಸರ್‌ಗಳನ್ನು ಬಳಸಿ. ಸ್ಥಿರಚಿತ್ರಣ : 1280x800 to 1920x1080